துணி விற்பனை செய்தல்

நகர்ப்புறம், கிராமப்புறம் என்கிற பாகுபாடு இல்லாமல் எல்லோருக்கும் தேவையாக இருப்பது துணிகள். தேவை மிகுதியாக இருப்பதால் துணி விற்பனை தொழிலுக்கு எப்போதுமே நல்ல வரவேற்பு உண்டு.

நேரம்!

அலுவலக வேலையோ, சுய தொழிலோ எதைச் செய்தாலும் நீங்கள் இந்த தொழிலைச் செய்யலாம். ஒரு நாளைக்கு 3 முதல் 5 மணி நேரம் செலவழித்தால் போதும். அதற்குமேல் அலட்டிக் கொள்ளத் தேவையில்லை.

முதலீடு!

குறைந்தபட்சம் 10,000 ரூபாய் தொடங்கி, உங்கள் முதலீட்டு வசதிக்கேற்ப இத்தொழிலைத் தொடங்கலாம். காலப் போக்கில் தொழில் வளர்ச்சிக்கேற்ப முதலீட்டை அதிகரித்துக் கொள்ளலாம்.

வருமானம்!

எல்லா செலவுகளும் போக 10 முதல் 20 சதவிகித லாபம் கிடைக்க வாய்ப்புண்டு.

கவனம்!

தரமான துணிகளை, குறைந்த விலையில் மொத்தமாக வாங்கி, அதிக விலைக்கு விற்க வேண்டும். கலர், டிசைன் போன்றவற்றை கஸ்டமர்கள் விரும்புகிற மாதிரி தேர்வு செய்ய வேண்டும். கஸ்டமர்கள் தவணை முறையில் கேட்டால், கொடுக்கத் தயாராக இருக்க வேண்டும்.

பாசிட்டிவ்!

அடிப்படைத் தேவை என்பதால் மக்கள் ஆதரவு நிச்சயம் கிடைக்கும். கெட்டுப் போகாத சரக்கு என்பதால் சில மாதங்களுக்கு வைத்துகூட விற்கலாம்.